तीन पोस्टरमा हेर्नुहोस् ‘चौका दाउ’
पौष २७ बाट रिलिज हुने फिल्म ‘चौका दाउ’को तीन पोस्टर एकसाथ रिलिज भएका छन् । ट्रेलर रिलिजको पहिलो हप्तामा मिलेको सुखद प्रतिक्रियालाई जोड्दै निर्माण टिमले ‘क्यारेक्टर थीम’ बोल्ने पोस्टर रिलिज गरेको हो ।
मनोज राजभण्डारी र सौर्यजीत बाँस्कोटाले निर्माण गरेको चौका दाउलाई पूर्णेन्दु झाले निर्देशन गरेका हुन् । यो फिल्मको पोष्टरमा मुख्य कलाकारहरुलाई उनीहरुको चरित्रमा उतारिएको छ । एक पोष्टरमा सिनेमाका चार जुवाडे बोलिएका रविन्द्र झा, विल्सनबिक्रम राई, तैयब शाह र सन्तोष पन्त जुवा हारेपछि नाँगै गाडीमा घर फर्किएको देखाईएको छ । जसमा कलाकार सोनिका केसीलाई मदिराको सुराही सहित प्रस्तुत गरिएको छ ।
अर्को पोष्टरमा रविन्द्र झलाई मधेसी, सन्तोष पन्तलाई शिख, तैयव शाहलाई मुस्लिम र विल्सन बिक्रम राईलाई हिमाली भेषमा उतारिएको छ भने सँगै उल्लेखित कलाकार अभिनेत्री वर्षा राउतसँग केन्द्रित भएको वर्षाको तस्बिरले जनाउँछ । साथै अभिनेता अजश्र ढुङ्गाना, निर्मल शर्मा, योगी विकाशानन्द, शिवशँकर रिजाल (जोगिन्दर पानवाला)लाई पनि समेटिएको छ ।
चौका दाउका परिकल्पनाकार बरिष्ट संगीतकार शम्भुजीत बाँस्कोटा हुन् । फिल्म हाँस्य प्रधान सामाजिक प्रेमकथामा आधारित भनिएको छ ।अभिमन्यु निरवीको पटकथा सम्वाद रहेको फिल्मलाई दीर्घ गुरुङले खिचेका छन् । सम्पादकमा मित्रदेव गुरुङ,द्वन्द्व निर्देशकमा रोशन श्रेष्ठ, निर्माण संयोजकमा नरेन्द्र खड्का र नृत्य निर्देशकमा बसन्त श्रेष्ठ र भिमफेदी गाईज छन् ।
‘चौका दाउ’मा वर्षा राउत, रविन्द्र झा, अजश्र ढुङ्गाना, सन्तोष पन्त, तैयव शाह, विल्सन विक्रम राई, निर्मल शर्मा, सोनिका केसी, सुनिता श्रेष्ठ ठाकुर, रोशनी सापकोटा, श्याम राई, रमेश अधिकारी लगायतको अभिनय छ ।
