पोस्टर, गीत र ट्रेलरमा हेर्नुहोस् ‘दि म्यान फ्रम काठमाण्डू’
आगामी चैत्र १ गतेबाट प्रदर्शनमा आउने फिल्म ‘दि म्यान फ्रम काठमाण्डू’का तीन प्रचार सामाग्री एकसाथ रिलिज भएका छन् । राजधानीमा बिहिबार आयोजित एक कार्यक्रमकाबीच निर्माण कम्पनिले फिल्मको रोमान्टिक पोस्टर, ट्रेलर र गीत एकसाथ रिलिज गर्यो ।
पोस्टरमा लिड अभिनेता जोसे मानुइल र अभिनेत्री आना शर्मालाई रोमान्टिक अबतारमा देखाइएको छ । उल्लेखित दुई कलाकार नै फिचर भएको ‘आकाशै घुमेर’ बोलको गीत पनि युट्युव मार्फत दर्शकमाझ आउँदा एक्सन प्रधान ट्रेलर समेत रिलिज गरियो ।
सार्वजनिक गीतमा स्वर निकिता श्रेष्ठको छ भने शब्द संगीत केसन कुवंरको छ । फिल्मलाई कार्लोस मेडिनाले खिचेका हुन् । नेपालसँगै हलिउड, बलिउड र पाकिस्तानी कलाकारको समिश्रण रहेको फिल्मलाई पेमा धोन्डुपले निर्देशन गरेका छन् ।
निर्देशक पेमासँगै नकिम उद्धिनको निर्माण बनेको फिल्ममा चर्चित भारतिय कलाकार गुल्सन ग्रोबर पाकिस्तानी कलाकार हमिद शेखसँगै नेपाली कलाकार नीर शाह, कर्मा शाक्य, मिथिला शर्मा, शिशिर बाङ्देल, सुनिता ठाकुर, परमिता आर एल राना अभिनयमा छन् ।
