प्रदिप र जसिताको ‘लभ स्टेशन’ रिलिज तय, दुई फिल्मसँग भिडन्त पक्का
फिल्म ‘लभ स्टेशन’को प्रदर्शन मिति तय भएको छ । निर्माण टिमले दिएको जानकारी अनुसार यो फिल्म आगामी चैत्र १ गतेबाट दर्शकमाझ आउनेछ । युवा स्टार प्रदिप खड्का र जसिता गुरुङ फिल्मका लिड कलाकार हुन् ।
‘लिलिबिली’पछि पुनः एकसाथ पर्दामा आउँदै गरेको यो जोडीलाई लिएर प्रतिक्षा गर्ने मास राम्रै छ । जुन कुराको प्रमाण उनिहरुलाई जोडेर सामाजिक सञ्जालहरुमा फ्यान तथा सुभचिन्तकहरुले गर्ने पोष्टहरु छन् । उज्जल घिमिरेले यो फिल्मलाई निर्देशन गरेका छन् ।
गोविन्द शाहिको निर्माणमा बनेको फिल्मलाई दार्जिलिङ, सिक्किम, कालिङपोङ, इलाम लगायतका ठाउँमा खिचिएको छ । सांगितिक प्रेमकथा बोल्ने फिल्ममा प्रकाश शाह, रमेश बुढाथोकी, रेशु भट्टराई, प्रिया रिजाल, विनोद पौडेल पनि लिड अभिनयमा छन् । आलोक शुक्लाले छायाँकन गरेका छन् ।
यसैबीच चैत्र १ मा प्रदर्शनमा आउँदै गर्दा ‘लभ स्टेशन’ले अन्य दुई फिल्मसँग प्रतिस्पर्धा गर्नेछ । अनुपबिक्रम शाहि, बर्षा शोवाकोटी र माला लिम्बु स्टारर फिल्म ‘पुरानो बुलेट’ले उक्त मितिमा प्रदर्शन मिति तय गर्दै गर्दा नेपालमा छायाँकन गरिएको हलिड फिल्म ‘टि म्यान फ्रम काठमाडौं’ पनि सोहि मितिमा प्रदर्शनको लागी यसअघि नै तयार छ ।
