नाजिर र शिल्पाको ‘कागजपत्र’ पोस्टर सार्वजनिकः अफिसियल रिलिज घोषणा

फिल्म ‘कागजपत्र’को प्रदर्शन मिति तय भएको छ । निर्माण टिमले चैत्र ८ गतेलाई आफ्नो प्रदर्शन मिती तय गर्दै अफिसियल पोस्टर सार्वजनिक गर्यो ।

सार्वजनिक ४ पोस्टरमा मुख्य कलाकार नाजिर हुसेन, शिल्पा मास्के, भोलाराज सापकोटा, सरिता गिरी, लोकेन्द्र लेखकलाई स्थान दिइएको छ । इपी एजुकेशन अष्ट्रेलियाको प्रस्तुति रहेको यो फिल्म वर्ल्डवाइड फिल्मस् र अस सिनेमाको संयुक्त ब्यानरमा निर्माण भएको हो । अपिल बिष्टको लेखन तथा निर्देशन छ ।

कागजपत्र सामाजिक तथा कमेडी कथामा निर्माण गरिएको निर्देशक अपिल बिष्टले बताए । खिलेन्द्र तिम्सीना, मुकेश रेग्मी र प्रजापती सिवाकोटी निर्माता रहेको ‘कागजपत्र’मा किरण न्यौपाने र सरस्वती श्रेष्ठ सह-निर्माताको रुपमा रहेका छन् । बसन्त सापकोटा र संगीत सापकोटाको संगीत, क्यासीमिर डिक्सनको छायाँकन रहेको फिल्मलाई निमेष श्रेष्ठले सम्पादन गरेका छन् ।