‘प्रेमलीला’ गीत रिलिजः एक अर्कोलाई मिस गर्दै दीपशिखा र मौसम
फिल्म ‘प्रेमलीला’को दोश्रो गीत सार्वजनिक भएको छ । अन्तर्देशीय प्रेम सम्बन्धको कथा प्रस्तुत गरिएको फिल्मको ‘मिस गरेँ’ सार्वजनिक गरिएको हो ।
सार्वजनिक गीतको भिडियोमा नायिका दीपशिखा खड्का र नायक मौसम खड्का फिचर छन् । सार्वजनिक गीतमा डा कृष्णहरी बरालको शब्द, हरी लम्सालको संगीत रहेको छ भने युवराज चौलागाई र मेलिना राईको स्वर सुन्न सकिन्छ । सार्वजनिक भिडियोमा पवन गौतमको छायांकन, चन्दन दत्त र सालिक दुलालको सम्पादन, रामजी लामिछानेको कोरियोग्राफी रहेको छ ।
यसअघी फिल्मको फर्स्टलुक पोस्टर र हिन्दी भर्सनको गीत सार्वजनिक भइसकेको छ । दीपशिखा खड्का र मौसम खड्कासँगै भारतीय मोडल अली खानको मुख्य भूमिका रहेको फिल्ममा सुरज तमु, रेखा शाह, शर्मिला शर्मा, भारतीय कलाकारहरु अर्चना शुक्ला, ट्वीकंल श्रीवास्तव लगायत रहेका छन् । अभिनेत्री खड्का कै कथा, पटकथा तथा संवाद रहेको फिल्मलाई नानीमैया कार्की र फैजिल फिल्म्सले निर्माण गरेको हो । माघ २५ बाट देशभर प्रदर्शनमा आउने फिल्मलाई सुनिल मानन्धरले वितरणको जिम्मा लिएका छन् ।
