‘क्याप्टेन’लाई सुरुवाती सफलताः नेपाल ट्रेण्डिङमा पहिलो स्थान कब्जा !

बिहिबार रिलिज भएको फिल्म ‘क्याप्टेन’को गीतले सुरुवाती सफलता भेटेको छ । गीतले युट्युवको नेपाल ट्रेण्डिङमा पहिलो स्थान ओगटेको छ । अनमोल केसी स्टारर फिल्मको गीतको भ्यूज भने पछिल्ला रिलिज उनका फिल्मको तुलनामा आँकलन गरे अनुसार आएको छैन ।

सार्वजनिक ‘रहर छ सँगे’ बोलको गीतमा अनमोललाई डेब्यू गर्ल उपासना सिंह ठकुरीसँग रोमान्टिक अबतारमा देख्नसकिन्छ । गीतले हालसम्म करिब ४ लाख भ्यूज पाएको छ । दर्शकले व्यक्त गरेका प्रतिक्रिया प्रायः सुखद छन् ।

दिवाकर भट्टराई निर्देशित फिल्मको सार्वजनिक गीतमा स्वर सुगम पोखरेल र अञ्जु पन्तको छ भने संगीत अर्जुन पोखरेलले भरेका छन् । अनमोल र उपासनासँगै सरोज खनाल, प्रशान्त ताम्राकार, विल्सनबिक्रम राई, प्रियंका एमभी, राजाराम पौडेल, सुनिल थापा लिड अभिनयमा छन् । फिल्म आगामी फागुन १७ बाट प्रदर्शनमा आउनेछ ।

https://youtu.be/6jZDSSZZxjQ