फ्राइडे रिलिजः दुई फिल्म भर्सेज ‘सुश्री सम्पति’, दोश्रो सातामा ‘प्रसाद’

फ्राइडे रिलिज अन्तर्गत यो हप्ताको लागी तीन फिल्म प्रदर्शनमा आएका छन् । ‘सुश्री सम्पति’, ‘कथा ७२’ र ”डोली’ प्रदर्शनमा आए । तीन मध्ये मिडियाकर्मी तथा फिल्मकर्मीको नजर भने मुख्यतः ‘सुश्री सम्पति’प्रति दर्शकको क्रेज, र बक्सअफिस कलेक्सन नै हुनेछ ।

सुब्रतराज आचार्य निर्देशित फिल्मले कमेडी जनरा उठाएको छ । रमेश त्वायनाको निर्माणमा बनेको फिल्ममा सलोन बस्नेत, प्रमोद अग्रहरि, सारा सिर्पाली, बिनोद न्यौपाने, रोशनी केसी लिड अभिनयमा छन् । फिल्मका प्रायः दृश्य पोखरामा खिचिएको छ ।

यो फिल्मको ‘हुकुम बक्सियोस्’ बोलको गीत हिट लिस्टमा छ । फिल्मले मल्टिप्लेक्स तथा सिंगल स्कृनमा शोज स्पेस राम्रो पाएको छ । निर्देशक आचार्यको यो दोश्रो निर्देशकिय फिल्म हो ।

उता ‘कथा ७२’ले आमाछोराको मनोवैज्ञानिक मनमुटाव बोल्छ । प्रविण स्याङ्बोको निर्देशन रहेको यो फिल्ममा आकाश मगर, सुप्रिया राना, भुइँसल लामा, केदार श्रेष्ठ लगायत लिड रोलमा छन् भने राजबहादुर सानेको निर्देशन रहेको ‘डोली’मा किशोर खतिवडा, सानिया खान, संगीत नापित, नविन रेग्मी, प्रिया रिजाल लिड रोलमा छन् ।

यो बीचमा गत साता प्रदर्शनमा आएको सुभाष थापा निर्मित फिल्म ‘प्रसाद’ले सफलताको दोश्रो हप्ता प्रवेश गरेको छ । दिनेश राउतको निर्देशनमा बनेको फिल्ममा नम्रता श्रेष्ठ, विपिन कार्की, निश्चल बस्नेत लिड रोलमा छन् । फिल्मलाई सुशिल पौडेलले लेखेका हुन् ।

https://youtu.be/p8CZoSfcuwA