उपासनासँग रोमान्टिक अनमोलः ‘क्याप्टेन’ अफिसियल गीत रिलिज (भिडियो)
अनमोल केसी स्टारर फिल्म ‘क्याप्टेन’को पहिलो गीत रिलिज भएको छ । सार्वजनिक ‘रहर छ सँगै’ बोलको गीतमा अनमोल र डेब्यू अभिनेत्री उपासना सिंह ठकुरी फिचर छन् ।
अनमोलको अङ्गालोमा उपासनालाई बोल्ड अबतारमा देखाइएको छ । प्रेम भाव बोल्ने गीतमा दुई कलाकारको केमेष्ट्रि पनि गज्जबको देखिइएको छ । कविराज गहतराजले भिडियोलाई निर्देशन गरेका छन् ।
सार्वजनिक गीतमा स्वर सुगम पोखरेल र अञ्जु पन्तको छ भने संगीत अर्जुन पोखरेलले भरेका छन् । गीतमा शब्द दिग्गज धौरालीले लेखेका हुन् । दिर्घ खड्काको सम्पादन रहँदा छायाँकन सुदिप बरालले गरेका छन् ।
भुवन केसीको निर्माणमा बनेको फिल्म ‘क्याप्टेन’लाई दिवाकर भट्टराईले निर्देशन गरेका हुन् । यो फिल्ममा अनमोल र उपासनासँगै सरोज खनाल, प्रशान्त ताम्राकार, विल्सनबिक्रम राई, प्रियंका एमभी, राजाराम पौडेल, सुनिल थापा लिड अभिनयमा छन् । यो फिल्म आगामी फागुन १७ बाट दर्शकमाझ आउनेछ ।
