भाइरल बाल गायक अशोक दर्जीको दोश्रो गीत रिलिज (भिडियो)

सामाजिक सञ्जाल मार्फत भाइरल बनेका बाल गायक अशोक दर्जीको दोस्रो अफिसियल गीत रिलिज भएको छ । ‘मन बीनाको धन ठुलो कि’ बोलको पहिलो गीतले करोडौँ भ्यूज पाएको थियो । संगीतकार टंक बुढाथोकीको छत्रछायाँमा हुर्किरहेका अशोकले यो गीतमा टंकका छोरा एआर बुढाथोकीको पनि साथ पाएका छन् ।

आमाप्रतिको श्रद्धा र प्रेमिल भाव बोल्ने गीतमा नेपाली पहिलो अभिनेत्री भुवन चन्दलाई पनि फिचर गरिएको छ । कविराज गहतराजले कोरियोग्राफी गरेको गीतमा मुख्यतः टंक, अशोक र एआर फिचर छन् ।

गीतमा शब्द तथा संगीत टंकको नै छ । अर्जुन जिसीले सम्पादन गरेका छन् । नारी प्रतिको सम्मानलाई मुख्य विषय बनाइएको भिडियोलाई निर्देशक कविराजले उत्कृष्ट बनाउने कोशिस गरेका छन् ।