ट्रेलरमा हेर्नुहोस् कमेडीले भरिपुर्ण ‘चौका दाउ’ (भिडियो)

फिल्म ‘चौका दाउ’को ट्रेलर रिलिज भएको छ । पौष २७ लाई प्रदर्शन मिति तय गरेको फिल्मको बुधबार ट्रेलर रिलिज गरियो । ट्रेलर पुर्णतः कमेडी पाटोले भरिपुर्ण छ ।

मुख्य कलाकारहरु सन्तोष पन्त, बर्षा राउत, तैयाव शाह, विल्सनबिक्रम राई, रविन्द्र झा, निर्मल शर्मा लगायत ट्रेलरमा फिचर छन् । सोनिका केसी यो फिल्ममा आइटम नृत्य सहित अतिथी भुमिकामा छिन् । एक युवतीको पछि उमेर पुगेका पाका चार व्याक्तिहरु लागेपछि उत्पन्न परिस्थितीको आसपास फिल्म घुमेको छ ।

पुर्णेन्दु झा निर्देशित फिल्मलाई दीर्घ गुरुङले खिचेका हुन् । मित्र डिङ गुरुङको सम्पादन छ । ‘चौका दाउ’लाई बिके फिल्मस् र एफडी कम्पनिले वितरणको जिम्मा लिएको छ । मनोज राजभण्डारी र शौर्यजीत बाँस्कोटा निर्मातामा छन् ।

https://youtu.be/nYcMlFlLkl8