‘भ्वाइस’ले पायो अन्तिम ४ प्रतिस्पर्धि, फाइनल कार्यक्रम कतारमा पक्का

चर्चित रियालिटी शो ‘टिभिएस अपाचे दि भ्वाइस अफ नेपाल’ले अन्तिम चार फाइनल प्रतिस्पर्धी पाएको छ । आइतबार साँझको कार्यक्रमसँगै चार जना कोचको तर्फबाट एक एक प्रतिस्पर्धी फाइनलमा आफ्नो स्थान सुरक्षित बनाउन सफल भए ।

एसएमएस भोटिङको आधारमा छानिएका अन्तिम चार प्रतिस्पर्धीमा टिम दिपबाट सिडी बिजय अधिकारी, टिम प्रमोदबाट शिर्जे थपलिया, टिम सनुपबाट सप्तक दुतराज र टिम अभयाबाट कुशल आचार्य छन् । फाइनल कार्यक्रम कतारको दोहामा हुनेछ ।

फाइनलिस्टहरुका साथमा सेमिफाइनलमा पुगेका अन्य चार जनाले पनि ग्राण्ड फिनालीमा आफ्नो प्रस्तुती दिनेछन् । दोहाको एमपी थिएटरमा डिसेम्बर १४ तारिख अर्थात मंसिर २८ गते शुक्रबार हुने ग्राण्ड फिनाली नेपालमा कान्तिपुर टेलिभिजनबाट प्रत्यक्ष प्रशारण हुने बताइएको छ ।

एसएमइस भोटिङका आधारमा विजेता छानिनेछन् । भोटिङ प्रक्रिया भ्वाइस अफ नेपालले आफ्नो कार्यक्रम तथा सामाजिक साञ्जालमा सार्वजनिक गर्दै आइरहेको छ ।

https://youtu.be/GVZDPwmW_Vc