फर्स्टलुक पोस्टरमा हेर्नुहोस् अनमोल स्टारर ‘क्याप्टेन’
फिल्म ‘क्याप्टेन’का दुई पोस्टर एकसाथ रिलिज भएका छन् । स्टार अभिनेता अनमोल केसी लिड अभिनयमा रहेको यो फिल्मको सार्वजनिक पोस्टरमा अनमोललाई फुटबल खेलाडी अबतारमा प्रस्तुत गरिएको छ । एक पोस्टरमा फुटबल समाइरहेको देखिएका अनमोल अर्कोमा भने एङ्ग्री लुक्समा छन् ।
दोश्रो पोस्टरमा अनमोलसँगै अभिनेता प्रशान्त ताम्राकार र सुनिल थापाको एङग्री अबतार समावेश छ । यो फिल्म आगामी फागुन १७ मा रिलिज हुनेछ । प्रदर्शनको लागी मिति नजिकिँदै गर्दा निर्माण टिमले प्रचार सामाग्री बाहिर ल्याएको हो ।
दिवाकर भट्टराई निर्देशित फिल्मलाई भुवन केसीले निर्माण गरेका हुन् । फिल्ममा अनमोलसँगै उपासना ठकुरी, सरोज खनाल, विल्सनबिक्रम राई, राजाराम पौडेल, बुद्धि तामाङ, प्रियंका एमभी लिड अभिनयमा छन् । फिल्मको कथा सामिप्यराज तिमिल्सेनाको हो । नवराज उप्रेतीले फिल्म छायाँकन गरेका छन् ।
