‘जय श्री दाम’ ट्रेलर रिलिज (भिडियो)
पौष २० लाई प्रदर्शन मिति तय गरेको फिल्म ‘जय श्री दाम’को ट्रेलर सार्वजनिक भएको छ । रिलिज नजिकिँदै गर्दा निर्माण टिमले प्रचार अघि बढाउँदै शुक्रबार ट्रेलर सार्वजनिक गर्यो । ट्रेलरमा कमेडीपना हाबी छ ।
आर्थिक स्थिती कमजोर भएका बेरोजगार दुई युवाले आफ्नो भाग्य चम्काउन प्रयोग गर्ने गलत बाटो र त्यसको बीच बाटोमा आइपर्ने ढोगी बाबासँग उनै दुई युवाले गर्ने ब्ल्याकमेलिङको वरीपरी फिल्मको कथा जोडिएको निर्देशक बिप्लोप उप्रेतीले बताए । फिल्म ‘फूल अन’ मसलेदार कमेडी रहेको भन्दै सोहि प्रकारको ट्रेलर दर्शक आकर्षणलाई छोडेको उप्रेतीको भनाइ छ ।
फिल्मको ट्रेलरमा लिड कलाकारहरु जेबिका कार्की, अमृत ढुङ्गाना, बिनोद न्यौपाने, राजन खतिवडा, प्रमोद अग्रहरी, विष्णु सापकोटा लगायत फिचर छन् । निर्देशक उप्रेतीसँगै अमरद्विप सापकोटाको पटकथा रहेको ‘जय श्री दाम’ मा मित्र डि गुरुङको सम्पादन छ भने रविन आचार्य डिओपी रहँदा क्यामेरामेनमा नवराज उप्रेती छन् । यो फिल्ममा संगीत सुशान्त गौतमको छ ।
मङ्की टेम्पल प्रोडक्सन, क्रेजी ह्याण्डस् प्रोडक्सन र नेशनल मिडिया प्रोडक्सनको संयुक्त ब्यानरमा बनेको ‘जय श्री दाम’मार्फत फिल्म शिक्षा अध्ययन गरिरहेका उप्रेतीले निर्देशनमा डेब्यू गरेका हुन् । फिल्मको कार्यकारी निर्मातामा पृथ्वी उप्रेती र मनोज उप्रेती छन् भने सह- निर्मातामा मित्र डि गुरुङ र रविन आचार्य छन् ।
