भारतमा फ्लप भएपछि चीन छिरे आमिर खान !
बलिउड सुपरस्टार आमिर खान पछिल्लो रिलिज फिल्ममा जम्न सकेनन् । उनि भनेपछि मरिहत्ते गर्ने फ्यानलेसम्म उनलाई गाली गरे फिल्म ‘थग्स अफ हिन्दोस्तान’का कारण । त्यसो त यो फिल्मको असफलताको जस पनि आमिरले लिँदै माफी पनि मागिसकेका छन् ।
सर्वाधिक चर्चाका बीच प्रदर्शनमा आएको फिल्मले बलिउड बक्सअफिसमा जम्मा १ सय ४५ करोडको बिजनेस गर्यो । फ्लपको ट्याग भिर्यो । आमिर र बिग बी अमिताभ बच्चनको यो फिल्मले भारतिय बक्सअफिसमा कमाल गर्न नसक्दा अब भने चीनमा रिलिज हुने भएको छ ।
पछिल्लो क्रममा चाइनिज फिल्म मार्केटमा बलिउडले दबदबा बढाउँदै जाँदा यो फिल्मको पनि प्रदर्शन मिति तय भएको हो । बलिउड मिडियाका अनुसार ‘थग्स अफ हिन्दोस्तान’ चीनमा यहि डिसेम्बर २८ बाट प्रदर्शनमा आउनेछ । उक्त प्रदर्शनीको लागी चाइनिज भाषामा अफिसियल पोस्टर पनि तयार गरिएको छ ।
