‘आइस लेक’ पुग्दा अनमोलको अङ्गालोमा बोल्ड सुहाना (सात तश्विर)

फिल्म ‘ए मेरो हजुर ३’ को यतिबेला छायाँकन चलिरहेको छ । नयाँ बर्ष २०७६ को छेकोमा प्रदर्शन घोषणा भइसक्दा निर्माण टिम छायाँकनलाई अन्तिम रुप दिने तयारीमा छ । हालै फिल्ममा समावेश एक गीतको छायाँकन गरियो । मनाङको आइस लेकमा खिचिएको गीतका प्राप्त स्थिर तश्विरमा अभिनेता अनमोल केसीको अङ्गालोमा डेब्यू गर्ल सुहाना थापालाइ बोल्ड अबतारमा देख्न सकिन्छ ।

समुन्द्री सतहबाट ४ हजार ७५ मिटर माथी खिचिएको गीतको भिडियोलाई निर्देशन कोरियोग्राफर राहुल शाहले गरेका छन् । उक्त गीतमा संगीत भने प्रतिक अधिकारी र आशिष अविरलले भरेका छन् ।

म्युजिकल लभस्टोरी जनरा बोलिएको फिल्मलाइ झरना थापाले निर्देशन गरेकी छिन् । सुनिलकुमार थापा निर्मातामा छन् । यो फिल्ममा अनमोल र सुहानासँगै सलोन बस्नेत, अर्पण थापा, रबिन्द्र झा लगायत लिड अभिनयमा छन् । सञ्जय लामाले क्यामेरा चलाएका छन् ।