रणवीरको अर्को धमाका, हेर्नुहोस् यस्तो बन्यो ‘सिम्वा’ ट्रेलर (भिडियो)
केहि हप्ता पहिले मात्रै वैवाहिक बन्धनमा बाँधिएका अभिनेता रणवीर सिंह स्टारर फिल्म ‘सिम्वा’को ट्रेलर रिलिज भएको छ । यहि डिसेम्बर २८ बाट वर्डवाइड रिलिजको तयारीमा रहेको फिल्मको सोमबार ट्रेलर रिलिज गरिएको हो ।
ट्रेलरमा रणवीरका केहि भिन्न भिन्न अबतार समावेश छन् भने अर्का स्टार अजय देवगानको ‘सिंघम’ अबतार पनि केहि दृश्यमा देख्न सकिन्छ । फिल्मको कथा नै सिंघमको जन्मस्थल शिवगढमै जन्मेको विन्दास जीवन जिउँन खोज्ने प्रहरी अफिसर ‘सिम्वा’को दैनिकीमा अकस्मात उत्पन्न हुने परिस्थिती वरीपरी घुमेको बताइएको छ ।
ट्रेलरमा अभिनेत्री सारा अलि खान पनि फिचर छिन् भने सोनु सोधलाई पनि लिड अभिनयमा देख्नसकिन्छ । रोहित सेट्ठीले निर्देशन गरेको फिल्ममार्फत धेरै समयको अन्तरपछि रणवीर पर्दामा फर्किंदैछन् ।
