फर्स्टलुकमा हेर्नुहोस् आधुनिक प्रेम बोल्ने ‘जानी नजानी’ !
चैत्र १ गतेबाट प्रदर्शनमा आउने फिल्म ‘जानी नजानी’ को फर्स्टलुक पोस्टर सार्वजनिक गरिएको छ । सार्वजनिक पोष्टरमा फिल्मका लिड कलाकारहरु मनिष श्रेष्ठ, निरिशा बस्नेत, सन्नी सिंह र नम्रता श्रेष्ठ फिचर्ड छन् । पुराना कलाकार तथा निर्देशक विश्व बस्नेतको छोरी निरिशा यसै फिल्म मार्फत फिल्मनगरीमा डेब्यु गर्दैछिन् ।
यो फिल्ममा प्रकाश अधिकारी, कृष्ण भक्त महर्जन, रोशनी केसी लगायतको पनि अभिनय छ । युवापुस्ताको आधुनिक प्रेम कथामा आधारित फिल्मको कथा , पटकथा र संवाद सामिप्यराज तिमिल्सेनाले लेखेका हुन् भने यसै फिल्म मार्फत धेरै सफल फिल्ममा मुख्य सहायक निर्देशकको रुपमा काम गरिसकेका बसन्त अधिकारी निर्देशनमा डेब्यु गर्दैछन् ।
फिल्ममा छायाँकन संजय लामाको रहेको छ भने यसमा संगीत अर्जुन पोखरेलले दिएका छन् । फिल्ममा कविराज गहतराज , प्रविन सिंह र शिशिर खातीको कोरियोग्राफी रहेको छ भने यसको सार्वजनिक फर्स्टलुक पोष्टरलाई कलर ब्लाइन्डले तयार परेको हो ।
फिल्ममा अर्जुन जिसीको सम्पादन , बसन्त घर्ति मगरको भीएफएक्स रहेको छ भने यसको कलरिस्ट रेनिश फागो हुन् । रोशनी इन्टरटेन्मेनटको ब्यानरमा निर्मित फिल्मकी प्रस्तुतकर्ता रोशनी केसी हुन् । फिल्ममा मोदनाथ खनाल र सागर काजी मालीको निर्माण रहेको छ ।
निर्देशक अधिकारीले राम्रो टिम र राम्रो समयमा उस्तै कथा पाएकोले एक्सन कटमा होमिएको बताए । उनले थपे, ‘यो फिल्मभित्र अहिलेको पुस्ताले आफुलाई रिलेट गर्नुहुन्छ भने माया र मित्रता बिचको कन्फ्युजनबाट पनि मुक्त हुनुहुनेछ ।’
