‘डोली’ फर्स्टलुक पोस्टर सार्वजनिक, रिलिज मिति घोषणा

फिल्म ‘डोली’को फर्स्टलुक पोस्टर रिलिज गरिएको छ । फर्स्टलुक रिलिज सँगै फिल्मले प्रर्दशन मिती पनि तोकेको छ । निर्माण पक्षका अनुसार अब यो फिल्म मंसीर २८ गतेबाट अलनेपाल एक साथ रिलिज हुने भएको छ ।

रेडबर्ड प्रोडक्सनको ब्यानरमा किरण नेपाली प्रस्तुतकर्ता रहेको यो फिल्मलाई राजबहादुर सानेले लेखन तथा निर्देशन गरेका छन् ।

फिल्ममा पृथ्वीराज प्रसाइँ, किशोर खतिवडा, नविन रेग्मी, प्रशान्त भण्डारी, सतिश खत्री, दामोदर खतिवडा, सानियाँ खान, संगीता नापित, प्रिया रिजाल, हिउँवाला गौतम लगायतले अभिनय गरेका छन् । श्रीकृष्ण परियारको कोरीयोग्राफी रहेको फिल्ममा जयराम थापाको छायाँकन छ ।