प्रदिप जी ‘तपाइँ छैन आफै मपाइँ’ ?
प्रदिप खड्का नेपाली फिल्म उधोगमा स्टार उपमा पाएका अभिनेता हुन् । कुनै चर्चित अनि हिट हिरोको नाम आउँछ भने त्यसको अग्र पङ्ग्तिमा अनमोल केसीपछि प्रदिप खड्का नै आउँछ । प्रदिप अभिनयमा जति अब्बल छन् त्यो भन्दा बढि अन्तर्वार्ता तथा ‘बाइट’ बोल्दा डिप्लोम्याटिक जवाफ दिनमा छन् ।
शनिबार राजधानीमा एक अवार्ड समारोह सम्पन्न भयो । जहाँ प्रदिपको पोल्टामा अवार्ड त परेन तर उनले कार्यक्रम होस्ट गरेरै भएपनि स्टेजमा पाइला राखे । नृत्य पनि गरे । कार्यक्रम प्रस्तोता बनेका प्रदिपलाई अभिनेत्री केकी अधिकारीले साथ दिएकी थिइन् । उद्घोषणको दौरान प्रदिप र केकीले एक अर्कालाई घोचपेच पनि गरे ।
यो बीचमा केकीले प्रदिपको पछिल्लो फ्लप फिल्म ‘रोज’लाई इङ्गित गर्दै फिल्म नचलेपछि चित्त बुझाउने बाटो भन्दै ‘फ्लप क्लब’मा स्वागत छ भनिन् । जतिबेला प्रदिपले आफुलाई घुमाउरो पाराले बलिउड सुपरस्टार आमिर खानसँग तुलना गर्न भ्याए । प्रदिप बोले, ‘फिल्म कहिले चल्छ त कहिले चल्दैन, बलिउड नायक आमिर खानको ठग्स अफ हिन्दुस्तानलाई नै हेर्दा पनि हुन्छ ।’
प्रदिपले यो बोल्दै गर्दा दर्शकदिर्घामा बसेर नियालिरहेका धेरैलाई भने पाच्य भएको दृश्य बोल्थेन । त्यसो त स्टारकै ट्याग पाउँदा पनि प्रदिपलाई हालसम्म स्टारडम बोकेका कुनै पनि विदेशी अभिनेतासँग तुलना गरेको पाइँदैन, जस्तो कि अनमोललाई सलमान खान जोडे जस्तो । त्यसो त प्रदिपको स्टारडम मनोरञ्जन कोलममा सिमित जस्तै छ बक्सअफिसमा प्रमाणित भइसकेको छैन । उनि अभिनित कुनै पनि फिल्मले स्पष्ट मुनाफा कमाएका छैनन् ।
एक समय नेपाली आमिर खान भन्दै खगेन्द्र लामिछानेलाई ट्याग भिराइएको थियो, त्यो पनि सेलाइसकेको छ । कलाकारहरुलाई स्टारडम बोकेका जो कोहिसँग नाम जोड्ने काम प्रायः मिडियाले अनि दर्शक र फ्यानले गर्छन् तर प्रदिप भने घुमाउरो पाराले आफुले आफैलाई आमिर खानसँग तुलना गर्न भ्याए । प्रदिप जी यो त ‘तपाइँ छैन आफै मपाइँ’ भने झै भएन र ?
र यो पनिः
