रानीमहलमा ज्योसनसँग रेश्माको डेट !
रेश्मा घिमिरे टिकटक प्रयोगकर्ताहरुको माझ परिचित नाम हो । फिल्ममा समेत काम गरेर अभिनयमा आफ्नो अब्बलता पस्किसकेकी रेश्मा अक्कल झुक्कल म्युजिक भिडियोमा पनि देखा पर्छिन् । उनै रेश्मा स्टारर पछिल्लो भिडियो ‘कान्छी’ हालै रिलिज भएको छ ।
युट्युवमा रिलिज गीतको भिडियोमा पश्चिम नेपालको पाल्ला अनि त्यहाँ अवस्थित रानीमहलका रमणिय दृश्यहरु समावेश गरिएको छ । विजेश पौडेलले निर्देशन गरेको गीतका रेश्मासँगै ज्योसनमान गौचन फिचर छन् ।
कुशल श्रेष्ठको स्वर रहेको गीतमा शब्द तथा संगीत पनि कुशलको नै सुन्न सकिन्छ । सुदिप कार्कीले भिडियो निर्माण गरेका हुन् भने गोपाल रायले छायाँकन गरेका छन् । भिडियोमा निर्देशक पौडेलकै सम्पादन छ ।
