ब्रेकअप रोमान्टिक गीतमा आशिर र शिल्पाको चुम्बन बर्षा ! (भिडियो)
फिल्म ‘दि ब्रेकअप’ आउँदो पौष २७ बाट प्रदर्शनमा आउँदैछ । प्रदर्शनको लागी एक महिना बढि बाँकी हुँदा निर्माण टिम यतिबेला प्रचार प्रसारलाइ तिब्रता दिने ध्येयमा छ ।
यसअघि ‘आज हाम्रो भेट भाको दिन’ गीत रिलजि गरेर लोकप्रियता बढाएको फिल्मको शुक्रबार नयाँ गीत रिलिज भएको छ । ‘हरपल’ बोलको रोमान्टिम गीतमा लिड कलाकार आशिरमान देशराज जोशी र शिल्पा मास्के फिचर छन् ।
अष्ट्रेलियामा खिचिएको उक्त गीतमा शिल्पा र आशिरलाई बोल्ड देखाइएको छ । जहाँ आशिरले शिल्पाको ओठसम्म चुमेका छन् । गीतका शब्द प्रकाश मल्लले लेखेका हुन् भने स्वर र संगीत विराज गौतमको छ । एरेञ्ज विशेष पाण्डेले गरेका छन् ।
हेमराज बिसीको निर्देशन रहेको फिल्ममा इच्छा कार्की, सरोज खनाल, रेमनदास श्रेष्ठलाई पनि लिड अभिनयमा देख्न सकिन्छ । निर्देशक बिसीसँगै रुपक थापा, दीपक खतिवडा र रेणु राणाले फिल्मलाई निर्माण गरेका हुन् । सुरेन्द्र पौडेलको सम्पादन रहेको फिल्मको छायाँकन नरेन्द्र मैनालीले गरेका छन् ।
