पाँचौ हप्तामा ‘चङ्गा चेट’, ३ करोड बढि कलेक्सन (बक्स अफिस)
फिल्म ‘चङ्गा चेट’ले प्रदर्शनको पाँचौ हप्ता प्रवेश गरेको छ । पछिल्लो क्रममा प्रदर्शनमा आएका धेरै फिल्म बक्स अफिसमा असफल हुँदैगर्दा दिपेन्द्र के खनाल निर्देशित यो फिल्मले सफल प्रदर्शनको पाँचौ हप्ता प्रवेश गरेको हो ।
माधव वाग्ले र शर्मिला पाण्डेको निर्माणमा बनेको फिल्मले हालसम्म ३ करोड बढि बिजनेस गरेको बताइएको छ । फिल्मीनेपालसँगको कुराकानीमा निर्माता वाग्लेले चार हप्तामा आफ्नो फिल्मले ३ करोड ९ लाख बिजनेस गरेको बताए ।
हालसम्म देशभरीका २१ पर्दामा प्रदर्शनरत फिल्मले विदेश प्रदर्शन अधिकार मार्फत ३० लाख हात पारेको पनि वाग्लेले बताए । केहि देशमा फिल्मको प्रदर्शन अधिकार बिक्रीको क्रम चलिरहेको उनको भनाइ छ ।
प्रियंका कार्की, आयुष्मान देशराज जोशि, रविन्द्र झा, सुरक्षा पन्त, परमिता आर एल राना लिड, सन्दीप क्षेत्री लिड रोलमा रहेको फिल्मलाई दर्शकले राम्रो मान्दा समिक्षकले भने मिश्रित प्रतिक्रिया दिएका थिए ।
