ध्रुब र एञ्जिलाले भजन गाउँदा विपिन र बर्षाले मर्काए कम्मर (भिडियो)
माघ १८ लाई प्रदर्शन मिति तय गरेको फिल्म ‘गोपी’मा समावेश पहिलो गीत रिलिज भएको छ । नेपाली लोक फ्लेभरको रोइला भजन गीतमा लिड कलाकार विपिन कार्की र बर्षा राउतले कम्मर मर्काएका छन् । डेब्यू बाल कलाकार स्वर्णिम पौडेललाई पनि कृष्ण अबतारमा फिचर गरिएको छ ।
सार्वजनिक ‘लक्ष्मी कहिले काली’ बोलको गीतमा ध्रुव बिस्को र एञ्जिल रेग्मीको स्वर छ । गायनमा ध्रुव र एञ्जलाको गज्जबको केमेष्ट्रि जम्दा विपिन र बर्षाको नृत्य पनि आकर्षक देखिएको छ । अर्जुन पोखरेलले गीतमा संगीत भरेका छन् । गोविन्द राईको कोरियोग्राफी छ ।
पछिल्लो क्रममा नेपाली फिल्ममा समावेश भइरहेका र रिलिज भइरहेका गीत भन्दा केहि फरक फ्याटन यो गीतले समाएको छ । दिपेन्द्र लामाको निर्देशनमा तयार फिल्मलाई मणिकर्ण केसीले निर्माण गरेका हुन् । श्रीधर पौडेल कार्यकारी निर्माता रहेको फिल्मको स्कृप्ट सामिप्यराज तिमल्सिनाले लेखेका हुन् ।
शैलेन्द्र डि कार्कीको छायाँकन रहेको ‘गोपी’मा भोला सापकोटा, अङ्कित खड्का, सुरक्षा पन्त, प्रकाश घिमिरे, रमेश अधिकारी, कमलमणी नेपाल लगायतलाई पनि लिड अभिनयमा देख्न सकिनेछ ।
