‘यात्रा’ रिलिज घोषणाः नयाँ बर्षमा अनमोल – सलिनमान भिडन्त पक्का !
उदयिमान स्टार सलिनमान बनियाँ स्टारर फिल्म ‘यात्राः अ म्युजिकल भ्लग’को रिलिज घोषणा भएको छ । प्रस्तुतकर्ता केशव भट्टराईले जन्मदिनको अबसर पारेर यो फिल्मको प्रदर्शन मिति सार्वजनिक गरेका हुन् । नयाँ बर्ष २०७६ को छेकोमा आगामी चैत्र २९ गते फिल्म प्रदर्शनमा आउने छ ।
‘ए मेरो हजुर २’बाट डेब्यू गरेका सलिनमानलाई नेपाली फिल्म उधोगको चम्किलो नक्षत्रको रुपमा हेरिँदै आइएको छ । यो फिल्मलाई सम्राट शाक्यले निर्देशन गरेका छन् भने केशव भट्टराईसँगै चिजकुमार श्रेष्ठ प्रस्तुतकर्ता रहेको फिल्मको निर्मातामा सुशिल पोखरेल छन् ।
सलिनमानसँगै प्रेक्षा बज्राचार्य, मल्लिका महत, धिरेन शाक्य, राजाराम पौडेल, जयनन्द लामा, रेअर राई, विशाल कटवाल, समृद्धि राई, योगेशजंग कुँवर, र्इश्वर पौडेल, नानीकाजी डंगोल, राजेश बिसुराल, विशाल पहाडी, प्रजोल भट्टराई, देशभक्त खनाल लगायतलाई फिल्ममा देख्न सकिनेछ ।
यसैबीच यो फिल्म उक्त मितिमा रिलिज हुँदा स्टार अभिनेता अनमोल केसीसँग सलिनमानको भिडन्त पक्का भएको छ । संयोग के परेको छ भने सलिनमानले डेब्यू गरेको फिल्म ‘ए मेरो हजुर २’ को अर्को सिक्वेल ‘ए मेरो हजुर ३’सँग नै सलिनमानले प्रतिस्पर्धा गर्ने भएका छन् ।
अभिनेत्री टर्न निर्देशक झरना थापाले आफ्नै छोरी सुहाना थापालाई अनमोलको अपोजिटमा डेब्यू दिँदै ए मेरो हजुरको तेश्रो सिक्वेल निर्माण गरेकी हुन् । सलिनमान र अनमोल दुबै नेपाली फिल्म उधोगमा युवा क्रेज बनाएका अभिनेतामा गनिन्छन् ।भलै दोश्रो फिल्म लिएर आउँदै गरेका सलिनमानको भविष्य र पुरा क्रेजको आँकलन गर्दा हतार होला तर तोकिएको मितिमा दुबै फिल्म आउँदा भिडन्त भने रोचक हुने निश्चित छ ।
यो पनिः
