‘प्रसाद’ रिलिज नहुँदै विपिन र नम्रतालाई ५० लाख !

यहि मंसिर २१ बाट प्रदर्शनको तयारीमा रहेको फिल्म ‘प्रसाद’मा समावेश गीत ‘लै लै’को लिरिकल भिडियोले नै ५० लाख भ्यूजको माइलस्टोन पार गरेको छ । सेप्टेम्बर १८ मा रिलिज भएको उक्त गीतलाई यो समाचार तयार पार्दासम्म युट्युवमा ५० लाख बढि पटक हेरिएको छ ।

नेपाली लोक फ्लेभरको उक्त गीतले प्रेमिल भाव बोल्छ । धेरै नेपालीले प्रतिक्रया जनाउँदा नेपालीपना बोकेको, यथार्थता बोकेको भन्दै गायक तथा गीतकारको तारिफ गरेका छन् । गीतकै कारण फिल्म ‘प्रसाद’ले एक प्रकारको छुट्टै हाइप बनाइसकेको छ । कुनै पनि नेपाली फिल्मको ‘लिरिकल भिडियो’ले नै यो प्रकारको भ्यूज पाएको सायदै पहिलो हो ।

सुवास भुषालले संगीत भरेको उक्त गीतमा स्वर केतन क्षेत्रीको छ भने शब्द गणेश शाहीले लेखेका हुन् । गीतमा लिड कलाकार विपिन कार्की र नम्रता श्रेष्ठ फिचर छन् ।

दिनेश राउतको निर्देशनमा बनेको फिल्मलाई सुभाष थापाले निर्माण गरेका हुन् । निश्चल बस्नेत पनि यो फिल्ममा लिड अभिनयमा छन् । फिल्मले निःसन्तानपना बोकेको एक जोडीको कथा पेश गर्छ । सुशिल पौडेलले स्कृप्ट लेखेका छन् ।

https://youtu.be/xfTQYSSxeLQ