साराको माया पाउन सलोन र विनोदको कसरत (सुश्री सम्पति पोस्टर)

सुब्रतराज आचार्यको निर्देशनमा तयार फिल्म ‘सुश्री सम्पति’का एकसाथ चार पोस्टर रिलिज भएका छन् । मंसिर २८ लाई प्रदर्शन मिति तय गरेको फिल्मका सार्वजनिक पोस्टरमा तीन मुख्य कलाकार सलोन बस्नेत, विनोद न्यौपाने र सारा शिर्पाली फिचर छन् ।

पोस्टरले फिल्ममा साराको माया पाउन दुई हिरोहरुले संघर्ष गरेको कथा बोल्छ । कमेडी थिममा बनेको फिल्मको पोस्टरमा नै ‘गेट रेडी फर फन’ उल्लेख छ ।

उल्लेखित कलाकारसँगै विशारत बस्नेत, सुनिता श्रेष्ठ ठाकुर, राजाराम पौडेल लिड अभिनयमा छन् । रमेश त्वायनाले फिल्मलाई निर्माण गरेका हुन् । अभिमन्यू निरवीको पटकथामा तयार ‘सुश्री सम्पति’लाई भरत रेग्मीले सम्पादन गरेका छन् ।