आयो ‘डोली’ फर्स्टलुक, रिलिज मिति सार्वजनिक

सामाजीक प्रेमकथानक फिल्म ‘डोली’को फर्स्टलुक पोस्टर रिलिजसँगै प्रदर्शन मिति सार्वजनीक गरिएको छ । राजबहादुर सानेको निर्देशनमा किरण नेपालीले निर्माण गरेको यो फिल्म आउँदो मंसिर २८ गतेदेखि देशभरका हलमा प्रदर्शन हुने भएको छ ।

रेड वर्ड प्रोडक्शनको ब्यानरमा निर्मित फिल्ममा किशोर खतिवडा, पृथ्वीराज प्रसाई, संगीता नापीत, सानिया खान,अर्जुन गुरुङ,नवीन रेग्मी,प्रशान्त भण्डारी,दामोदर खतिवडा,प्रिया रिजाल,हिउँवाला गौतमलगायतका कलाकारले अभिनय गरेका छन् ।

फिल्मको स्क्रिप्ट पनि निर्देशक साने आफैले लेखेका हुन् । सिडी अधिकारी, बाबुल गिरी र पुरुषोत्तम न्यौपानेको संगीत रहेको डोली जयराम थापाले खिचेका हुन् । शंकर महर्जनको द्धन्द्ध निर्देशन रहेको फिल्मका गीतको कोरियोग्राफी श्रीकृष्ण परियारले गरेका हुन् ।