मेलिना राईले सार्वजनिक गरिन् ‘बैँशै बेइमानी’ (भिडियो)

गायिका मेलिना राईको स्वर रहेको नयाँ गीत सार्वजनिक भएको छ। ‘बैंशै बेइमानी’ बोलको गीत पुर्वेली मारुनी भाकामा तयार पारिएको छ ।

राजुबाबु श्रेष्ठको शब्द समावेश उक्त गीतमा राजनराज सिवाकोटीको संगीत सुन्न सकिन्छ। राजनराजको संगीतमा मेलिनाले धेरै फिल्मको गीतमा स्वर दिएकी छिन्। तर, फिल्म बाहेकको गीतमा मेलिना र राजनराजको यो पहिलो सहकार्य हो।

शान थापाको निर्देशनमा तयार भएको भिडियोमा गायिका मेलिना आफै फिचरिङ छन्। मेलिनाले पहिलो पटक पुरा भिडियोमा नृत्य प्रस्तुत गरेकी छिन्। अर्जुन तिवारीले खिचेको भिडियोमा सुप्रिम पराजुलीको सम्पादन रहेको छ। राजिव समरको नृत्य निर्देशन छ ।