अञ्जलीसँग निश्चलको ठूम्का, ‘प्रसाद’मा गायक बने बिपिन (भिडियो)
यसअघि रिलिज ‘लै लै’ बोलको लिरिकल भिडियोले लोकप्रियता बढाउँदै गर्दा फिल्म ‘प्रसाद’ टिमले नयाँ प्रचार सामग्री रिलिज गरेको छ । आइतबार राजधानीमा आयोजित एक कार्यक्रमका बीच फिल्ममा समावेश ‘बनकी चरी’ बोलको गीत रिलिज गरियो ।
सार्वजनिक लोक प्लेभरको गीतमा अभिनेता निश्चल बस्नेतले मोडल अञ्जली अधिकारीसँग ठूम्का लगाएका छन् । अञ्जली केहि महिना पहिले रिलिज ‘बोल माया’ बोलको गीतबाट एकाएक चर्चामा आएकी तथा पछिल्लो क्रमकी सर्वाधिक व्यस्त मोडलमा गनिन्छिन् ।
फिल्मको सार्वजनिक गीतमा गायकी अबतारमा अभिनेता बिपिन कार्की प्रस्तुत छन् । लिड अभिनेत्री नम्रता श्रेष्ठ भने फिचर छैनन् । सुवास भुषालको संगीत रहेको गीतमा स्वर अञ्जु पन्त र रुपल डोटेलको तथा बि पाण्डेको शब्द छ । कोरियोग्राफी शिव बिकको छ ।
दिनेश राउत निर्देशित फिल्मलाई सुभाष थापाले निर्माण गरेका हुन् । सुशिल पौडेलको कथामा तयार फिल्मले निःसन्तानमा परेको दम्पतिको कथा बोल्छ । मंसिर २१ मा फिल्म रिलिज हुनेछ ।
