लभ स्टेशन’बाट बाहिरियो प्रदिपको गायक अबतार
प्रदिप खड्का र जसिता गुरुङ स्टारर फिल्म ‘लभ स्टेशन’को फर्स्टलुक बाहिरिएको छ । सार्वजनिक तश्विरमा अभिनेता प्रदिपलाई गीतार बोल्दै गरेको देखाइएको छ । तश्विरले फिल्ममा उनि गायकी भुमिकामा रहेको छनक दिन्छ ।
दार्जिलिङ आसपासमा छायाँकन भइरहेको फिल्मको ५० प्रतिशत शायाँकन सकिएको पनि निर्माण टिमले जानकारी गराएको छ । असोज ११ बाट फिल्मको छायाँकन सुरु भएको थियो ।
निर्माता गोविन्द शाहीले फिल्ममा समावेश हुने दुई गीतसँगै ५० प्रतिशत छायाँकन सकिएको पुष्टि गरे । निर्धारित ३५ दिनमा फिल्मको सबै काम सकिने पनि उनले बताएका छन् ।
‘लभ स्टेशन’मा प्रदिप र जसितासँगै रमेश बुढाथोकी, प्रकाश शाह, रेशु भट्टराई, विनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु राना सहितको अभिनय छ ।
उज्ज्वल घिमिरेको निर्देशन रहेको फिल्ममा आलोक शुक्लाले क्यामेरा चलाएका छन् । फिल्ममा शम्भुजीत बाँस्कोटा, दिपक शर्मा, राजनराज शिवाकोटी र एलिश कार्कीको संगीत छ ।
