एक महिना अन्तरमा अनमोलका दुई फिल्म, ‘ए मेरो हजुर ३’ फर्स्टलुक आउट
झरना थापाको निर्देशनमा बनेको फिल्म ‘ए मेरो हजुर ३’ को फर्स्टलुक पोस्टर रिलिज भएको छ । दशैँको छेकोमा निर्माण कम्पनि सुनिल कुमार थापा प्रोडक्सन र सुहाना इन्टरटेन्मेन्टले शुक्रबार पोस्टर रिलिज गर्यो ।
पोस्टरमा लिड कलाकार अभिनेता अनमोल केसी र डेब्यू गर्ल सुहाना थापाको प्रेम झल्काइएको छ । फिल्ममा अनमोल गायकको रुपमा प्रस्तुत भएको कुरा पनि दोश्रो पोस्टरमा जोडिएको गीतार सहितको उनको तश्विरले प्रष्ट पार्छ ।
हिट फिल्म ‘ए मेरो हजुर’को दोश्रो सिक्वेल यो फिल्मले आगामी चैत्र २९ लाइ आफ्नो प्रदर्शन मिति तय गरिसकेको छ । रोचक कुरा के छ भने यो फिल्म रिलिज पुर्व एक महिना मात्रै पहिले अनमोलकै फिल्म ‘क्याप्टेन’ प्रदर्शनमा आउनेछ ।
आफ्ना फिल्म प्रदर्शनको लागी कम्तिमा ६ महिना अन्तर खोज्ने अनमोल यो पटक चेपुवामा पर्दैछन् । फागुन १७ लाइ लक गरिएको मितिमा क्याप्टेन आउनु र त्यसपछि यो फिल्म रिलिज हुनुले अनमोलको करियर र स्टारडममा समेत धक्का पुग्नसक्छ ।
र यो पनिः
