यस्तो बन्यो कमेडी संवादले भरिपुर्ण ‘चङ्गा चेट’ ट्रेलर (भिडियो)

कार्तिक १६ लाई प्रदर्शन मिति तय गरेको फिल्म ‘चङ्गा चेट’को ट्रेलर रिलिज भएको छ । यसअघि सार्वजनिक ‘गोजीमा दाम छैन’ बोलको गीतले बजार तताउँदै गर्दा निर्माण टिमले प्रचारलाई अघि बढाउँदै ट्रेलर रिलिज गर्यो ।

आइतबार राजधानीमा आयोजित एक कार्यक्रमका बीच उपलब्ध कलाकारहरुको उपस्थितीमा निर्माण टिमले ट्रेलर सार्वजनिक गरियो । ट्रेलरमा फिल्मले उठाएको मुख्य ‘थिम’ ‘डार्क कमेडी’ जनरालाई प्राथमिकतामा राखिएको छ ।

कलाकारहरुले उठाएका अधिकांश संवाद कमेडी लाग्छन् । मुख्य सबै कलाकार ट्रेलरमा अटाएका छ्न् । माधव वाग्ले र शर्मिला पाण्डेको निर्माणमा बनेको फिल्मलाई दिपेन्द्र के खनालले निर्देशन गरेका हुन् । आयुष्मान देशराज जोशी, प्रियंका कार्की, परमिता आर एल राना, सन्दिप क्षेत्री, रविन्द्र झा, सुरक्षा पन्त, माओत्से गुरुङ, शिशिर वाङ्देल लगायत फिल्ममा लिड अभिनयमा छन् ।

ट्रेलरले ‘लुट’ फिल्मको झल्को दिएको पत्रकारको प्रश्नको जवाफ फर्काउँदै निर्माता वाग्लेले ‘लुट’ र ‘चङ्गा चेट’ विसुद्ध फरक जनरामा आधारित भन्दै भ्रममा नपर्न आग्रह गरे । निर्देशक खनालले आफुले पहिलो पटक भित्र्याएको ‘डार्क कमेडी’ नै फिल्मको मुलः थिम भएको बोले।