अनमोलको ‘क्याप्टेन’ अफिसियल रिलिज घोषणा, भिएफएक्सको जिम्मा हलिउड प्राविधिकलाई
अनेकन अनौपचारिक रिलिज मितिका बीच स्टार अभिनेता अनमोल केसीको फिल्म ‘क्याप्टेन’को अफिसियल रिलिज लक भएको छ । प्राप्त जानकारी अनुसार यो फिल्म अब फागुनमा रिलिज हुनेछ ।
वितरक मनोज राठीले आगामी फागुन १७ लाई फिल्मको आधिकारिक रिलिज मिति तय गरिएको फिल्मीनेपाललाई बताए । ‘मंसिरमा र त्यो नभए माघ रिलिज हाम्रो लक्ष्य थियो, राठीले भने, ‘भिएफएक्सको कामले गर्दा फिल्म फाइनल हुन समय लाग्ने भएकोले फागुनमा पुगेका हौँ ।’
जानकारीमा आए अनुसार फिल्ममा प्रयोग हुने अधिकांश भिएफएक्स दृश्यको काम हलिउड प्राविधिकले गर्ने भएका छन् । हलिउड फिल्ममा ‘वाउट सोर्सिङ’को काम गर्दै आएको कम्पनिसँग शुक्रबार मात्रै ‘क्याप्टेन’ टिमको सम्झौता भएको बताइएको छ ।
दिवाकर भट्टराई निर्देशित फिल्मलाई अनमोल पीता भुवन केसीले निर्माण गरेका हुन् । फिल्ममा अनमोलसँगै उपासना ठकुरी, प्रशान्त ताम्राकार, विल्सनबिक्रम राई, प्रियंका एमभी, सुनिल थापा लगायत लिड अभिनयमा छन् । फिल्मले खेल, प्रेम र राष्ट्रियताको विषय उठान गरेको छ ।
र यो पनिः
