सस्पेन्स छोड्दै ‘पुरानो बुलेट’ टिजर आउट, खोइ त अनुप ?
अनुपबिक्रम शाही स्टारर फिल्म ‘पुरानो बुलेट’को फर्स्टलुक टिजर ट्रेलर रिलिज भएको छ । फर्स्टलुकको रुपमा टिजर बाहिर आउँदा निर्माण टिमले कलाकारहरुलाई भने गोप्य नै राखेको छ । अर्थात टिजरमा नत अनुप नत अन्य कलाकार, कोहि पनि फिचर छैनन् ।
टिजरमा अनुपको ‘बुलेट स्टण्ट’ देखाइएको छ । हरेकजसो फिल्ममा आफ्नो अभिनय कला अनि गेटअपलाई भिन्न भिन्न अबतारमा प्रस्तुत गर्ने अनुप यो पटक पनि पक्का पृथक अबतारमा देखिनेछन् भन्ने अनुमान टिजरले गराउँछ ।
फिल्ममा अनुपको लुक्स र ट्रेलरलाई नै ‘अवेटेड’ बनाउने हेतुले निर्माण टिमले यो प्रकारको टिजर बाहिर ल्याएको बताएको छ । टिजरले दर्शकलाई धैरै कौतुहलता छोड्छ । अनुपसँगै फिल्ममा लिड अभिनयमा अभिनेत्री द्वय बर्षा शिवाकोटी र माला लिम्बु छन् ।
उल्लेखित तीन कलाकारसँगै भीषण राई निर्देशित ‘पुरानो बुलेट’मा कविता आले, कृष्णभक्त महर्जन, शिरोमणी दवाडी, शिव मुखिया, दिवज राई, बादल श्रेष्ठ, करण धिताल, युडी गुप्ता लगायतका कलाकारहरुको अभिनय समावेश छ ।
१ करोड बढि लागतमा बन्न लागेको फिल्मको कथा तथा पटकथा लेखनमा निर्देशक भीषणसँग सन्तोष राईले साझेदारी गरेका छन् । सन्तोष यो फिल्मका कार्यकारी निर्माता हुन् । फिल्म ‘पुरानो बुलेट’मा अशोककुमार राई (अशोक साम्पाङ), दिपेन्द्र लिम्बु, विरेन साम्बा र टिकाराम राई निर्माताको रुपमा छन् । आगामी मंसिर ५ लाई फिल्मको प्रदर्शन मिति तोकिएको छ ।
हेर्नुहोस टिजरः
