क्लाइमेक्सलाई लिएर आमिर र अमिताभबीच लफडा

फिल्म ‘ठग्स अफ हिन्दोस्तान’को क्लाइमेक्स दृश्यलाई लिएर मुख्य कलाकार आमिर खान र अमिताभ बच्चनबीच लफडा भएको खबर बाहिरिएको छ । फिल्मको ‘डेथ सिन’लाई लिएर दुई स्टारमाथी विवाद भएको बलिउड हङ्गामाले लेखेको छ ।

त्यसो त आजभन्दा ४४ बर्ष पहिले पनि ऋषिकेश मुखर्जीको फिल्म ‘नमक हराम’मा अमिताभ र अर्का अभिनेता राजेश खन्नाबीच यस्तै दृश्यमा लफडा भएको थियो । सो समयमा अन्ततः अमिताभले आफ्नो अड्डीमा जित पाएपछि खन्नाको फोटोमा श्रद्धाञ्जली दिएको दृश्य निर्देशक मुखर्जीले राखेका थिए ।

यो पटक पनि सोहि प्रकारको लफडा अमिताभ र आमिरबीच परेको हो । अहिलेसम्म पनि फिल्मको अन्त्यमा को ‘मर्ने’ भन्ने विषयमा टुंगो नलागेको बताइएको छ ।