पारिवारिक कथा बोल्ने ‘दैलो’ ट्रेलर रिलिज (भिडियो)

पारिवारिक कथा बोल्ने फिल्म ‘दैलो’को ट्रेलर रिलिज भएको छ । फिल्मको सार्वजनिक ट्रेलरमा फेमिली ड्रामा जोडिएको छ, जहाँ प्रेम र रोदन झल्केको छ ।

नेपाली मौलिक कथा जोडिएको भनिएको फिल्मलाई सुरेश उप्रेतीले निर्माण तथा निर्देशन गरेका छन् । सुरेश फिल्मका लिड कलाकार पनि हुन् । फिल्मको निर्मातामा यशोदा उप्रेती र अर्जुन उप्रेती छन् ।

कार्तिक ३० बाट प्रदर्शनमा आउने फिल्म ‘दैलो’को कथा पनि निर्देशक सुरेश उप्रेतीकै हो । फिल्ममा सुरेशसँगै दुर्गा साउत, विकाश चौलागाइँ, दीपक डोटेल, मुना प्रसाइँ, दिक्षा आचार्य, सुयोग उप्रेती, अनु ढुङ्गाना लगायत लिड रोलमा छन् ।

विमलकुमार भट्टराईले खिचेको फिल्मलाई तारा थापा ‘किम्भे’ले सम्पादन गरेका छन् । लक्षुप्रकाश मल्ल र निलम उप्रेतीको संगीत संयोजन छ ।