कहिलेसम्म पर्खिने हमालको ड्रिम प्रोजेक्ट ?
महानायकको पदवी पाएका अभिनेता राजेश हमालको फिल्म नेपाली पर्दामा नआएको बर्षपढि भइसक्यो । पछिल्लो पटक ‘शकुन्तला’ मार्फत केहि भिन्न अबतारमा पर्दामा आएका हमाल त्यसयता देखिएका छैनन् । यो बीचमा करिब तीन बर्ष पहिलेदेखि उनले फिल्म निर्माण र निर्देशन गर्ने भन्ने कुरा भने सधैं चर्चामा रहन्छ ।
त्यसो त हमालले आफ्नो निर्माणमा बन्ने पहिलो प्रोजेक्ट ‘ड्रिम प्रोजेक्ट’ रहने पनि यो पहिले नै बताइसकेका छन् । तर उनको फिल्म अब कहिले आउँछ अझैसम्म पनि टुंगो छैन । बिहिबार राजधानीमा ‘को बन्छ करोडपति’को नेपाली फ्रेञ्चाइजको औपचारिक घोषणा कार्यक्रममा बोल्दै हमालले यो बारेमा केहि कुरा खुलाए ।
‘पछिल्ला दुई रिलिज फिल्म ‘बागमती’ र ‘सकुन्तला’ले आशातित सफलता नदिएपछि फिल्म छनोटमा हतार नगर्ने निर्णय लिएको हुँ, हमालले भने, मैले बनाउने फिल्मको पनि यतिबेला स्कृप्टको काम भइरहेको छ, तयारी धमाधम छ ।’ प्रियंका कार्की फाइनल भएको कुरालाई टार्दै हमालले अहिलेसम्म कलाकारको टुंगो नलागेको बताए ।
जन्मदिनको छेकोमा पछिल्लो पटक ‘सकुन्तला’ निर्देशक दिनेश श्रेष्ठको नयाँ प्रोजेक्टमा अनुबन्ध भएको चर्चाका बीच हमालले आफु छिट्टै नै पर्दामा पनि आउँदै गरेको खुलाए । ‘को बन्छ करोडपति’ (केबिसी) को सञ्चालनको जिम्मा लिएका हमालले उक्त शो सञ्चालनले फिल्मी करियरमा केहि फरक नपार्ने पनि दाबी गरे ।
‘केबिसी’ सफल बनाउन आफ्नो लागी चुनौती रहेको स्विकार्दै हमालले उक्त शोमा नेपाली भावना, स्वाद र दृष्टिकोण पस्किने प्रयास गर्ने कार्यक्रममा बोले ।
र यो पनिः
