‘प्रेमलिला’ फर्स्टलुक रिलिज, हिरोइनले गरिन् केश मुण्डन !
अन्तरदेशीय प्रेम सम्बन्धको कथा प्रस्तुत गर्ने फिल्म ‘प्रेमलिला’को फर्स्टलुक रिलिज गरिएको छ । बुधबार आयोजिक कार्यक्रममा फिल्मको पहिलो झलक सार्वजनिक गरियो । सार्वजनिक पोस्टरमा अभिनेत्री दीपशिखा शाहीलाई केश मुण्डन गरेको अवस्थामा देखाइको छ ।
योसँगै फिल्मले प्रदर्शन मिति पनि सार्वजनिक गरेको छ । पत्रकार सम्मेलनमा जानकारी गराइए अनुसार फिल्म आगामी माघ २५ बाट देशभर रिलिज हुनेछ । फिल्ममा दीपशिखा खड्का, अलि खान र मौसम खड्काको मुख्य अभिनय रहेको छ ।
अभिनेत्री खड्काले फिल्मको गेटअपमा रहन सुटिङदेखि हालसम्म ५ चोटि कपाल काटेको बताइन् । दुबईमा मोडलिङ गर्दै आएका अलि खानले फिल्ममा भारतबाट नेपाल घुम्न आउने पर्यटकको भूमिका निर्वाह गरेका छन् । उनले दीपशिखासँग दुबईमा भेट भएको र उनले फिल्म खेल्न एप्रोच गरेका कारण फिल्म खेलेको बताए ।
दीपशिखा खड्काकै कथा तथा लेखन रहेको फिल्मलाई पवन गौतमले खिचेका हुन् । जनक पाण्डेले निर्देशन गरेकोमा फिल्ममा नानीमैया कार्की र फैजिल फिल्मस्को लगानी रहेको छ । फिल्मलाई सुनिल मानन्धरले वितरणको जिम्मा लिएका छन् ।
