परमिताको अगाडी छल्कियो नीताको जवानी (भिडियो)
फिल्म ‘दि कर्मा’को पहिलो गीत रिलिज भएको छ । ‘बजार लाग्या छ’ बोलको गीतमा अभिनेत्री नीता ढुङ्गानाले कम्मर मर्काएकी छिन् । सँगसँगै अभिनेता करण बर्मा पनि देखिएका छन् ।
भिडियोमा गीत हेरिरहेको अवस्थामा अभिनेत्री परमिता आरएल रानालाई एङ्ग्री अबतारमा देखाइएको छ, उनको साथमा बुद्धी तामाङ र देवकुमार श्रेष्ठ छन् ।
गीतमा कोशिश क्षेत्रीको शब्द, संगीत छ भने मनिषा पोखरेलको स्वर समावेश छ । रामजी लामिछानेले भिडियोमा कोरियोग्राफी गरेका छन् । रामेश्वर कार्कीको छायाँकन छ ।
देवकुमार श्रेष्ठको निर्देशन रहेको फिल्मलाई जयराज रायले निर्माण गरेका हुन् । नेपाल र भारतको सिमा क्षेत्रमा हुने घटनाहरुलाई जोड्दै तयार भएको फिल्मको छायाँकन तराई क्षेत्रमा गरिएको छ । फिल्ममा उल्लेखित कलाकारसँगै अनुप सक्सेना, संगीत नापित पनि लिड रोलमा छन् ।
