आकाश र आश्माको ‘ड्रिम गर्ल’ ट्रेलर रिलिज
आकाश श्रेष्ठ र आश्मा गिरी स्टारर फिल्म ‘ड्रिम गर्ल’को ट्रेलर रिलिज गरिएको छ । राजधानीमा आयोजित एक कार्यक्रमका बीच फिल्म निर्माण टिमले ट्रेलर रिलिज गर्यो । पर्दामा भने यो फिल्म मंसिर ७ मा मात्रै प्रदर्शनमा आउनेछ ।
सरोज खनाल, पूजा पराजुली, अर्जुन श्रेष्ठ, लक्ष्मी गिरी, निर्मल शर्मा, सुरबिर पण्डित, शिशिर भण्डारी लगायत समेत लिड रोलमा रहेको फिल्मला ऋषिराज आचार्यले निर्देशन गरेका छन् । फिल्मक ट्रेलरमा प्रेम, बिछोड र त्यसले उत्पन्न गर्ने द्वन्द्वका परिवेश झल्काइएको छ ।
निर्देशक आचार्यकै कथामा बनेको फिल्मलाई अर्जुन शर्मा र रामेश्वर धितालले निर्माण गरेका छन्, आचार्यले पनि लगानीमा साझेदारी गरेका छन् । पछिल्लो पटक भदौ महिनामा ‘ब्ल्याक’ र ‘रामकहानी’मा देखिएका आकाश अब २ महिना बढि अन्तरमा यो फिल्मबाट पर्दामा आउनेछन् ।
तश्विरः आर्यन बिमली
