ऐतिहासिक कथा बोकेको ‘नालापानी’ टिजर ट्रेलर रिलिज (भिडियो)

प्रदर्शन मिति तय नहुँदै फिल्म ‘नालापानी’को ट्रेलर रिलजि गरिएको छ । राजधानीमा आयोजित एक कार्यक्रमका बीच निर्माण टिमले एक समयको नेपाली एतिहास बोल्ने फिल्म ‘नालापानी’को ट्रेलर रिलिज गर्यो ।

नेपाल र नेपाली भुमीको पक्षमा अंग्रेजहरुसँगको युद्धमा वीर वलभद्र कुवंरले देखाएको देशप्रेम तथा नेपाली भूमी बचाउन लडेको लडाइँको कथा फिल्मले पेश गर्छ ।

रिमेश अधिकारीको निर्माण तथा निर्देशन रहेको फिल्ममा अर्जुनजंग शाही, सन्तोष पन्त, देशभक्त खनाल, पूजना प्रधान, मनोज शाक्य, जनक बर्तौला, सुशिल खड्का, हिक्मत थपलिया र गीता अधिकारी लिड अभिनयमा छन् ।

रामशरण उप्रेतीले खिचेको फिल्मलाई बिपिन मल्लले सम्पादन गरेका छन् । फिल्ममा रोशन श्रेष्ठको द्वन्द्व निर्देशन हुँदा कोरियोग्राफी कविराज गहतराजको छ ।