‘जय भोले’ पोस्टर आउट, फुलपाती रिलिज पक्का !
दशैँमा प्रदर्शनको घोषणाका बीच रिलिज डेट तोक्न नसकेको फिल्म ‘जय भोले’को प्रदर्शन अब तय भएको छ । निर्माण टिमले पोस्टर रिलिज गर्दै प्रदर्शन दिन तय गर्यो । दशैँको फुलपातीको दिन अभ यो फिल्म रिलिज हुनेछ ।
‘छक्का पञ्जा ३’ सँग भिडन्तको चर्चा हुँदा सिनेबृत्त राम्रै गर्मिएको थियो । त्यसो त केहि दिन पहिले दिपकराज गिरीले ‘छक्का पञ्जा ३’को ट्रेलर रिलिज हुँदै गर्दा सहमति भइसकेको र आफ्नो फिल्म घटस्थापनामा र फुलपातीमा ‘जय भोले’ आउने बताइसकेका थिए ।
सहमतिका बीच दुई फिल्मले १ हप्ताको अन्तरमा रिलिज तोक्दा दशैँमा फिल्म पर्खिने दर्शकलाई मुख्य खुराक कमेडी सिनेमा नै हुनेछन् ।
अशोक शर्माको निर्माण निर्देशन रहेको फिल्ममा स्वस्तिमा खड्का, खगेन्द्र लामिछाने, सौगात मल्ल, सलोन बस्नेत, बुद्धि तामाङ, राजाराम पौडेल, लक्ष्मी गिरी लगायत लिड अभिनयमा छन् । सार्वजनिक पोस्टरमा फिल्ममा समावेश सबैजसो कलाकारको अनुहार जोडिएको छ । फिल्मको यसअघि सार्वजनिक ट्रेलर तथा गीत लोकप्रिय बनिसकेका छन् ।
