बडिगार्डसहित हल छिरे साम्राज्ञी र धिरज, ‘इन्टु मिन्टु’ देशैभर हाउसफूल (भिडियो)
शुक्रबारबाट प्रदर्शनमा आएको फिल्म ‘इन्टु मिन्टु लण्डनमा’ले आक्रामक सुरुवात गरेको छ । पहिलो दिनको बिजनेसमा नै सफलताको संकेत छरेको फिल्मले शनिबार पहिलो बिदाको दिन देशैभर हाउसफूल बिजनेस गर्न सफल भयो । मल्टिप्लेक्स तथा सिंगल स्कृन सबैतिर फिल्म हेर्न दर्शकको भीड देखिएको छ ।
निर्देशक रेनाशा राईले फिल्मबाट अभिनेत्री साम्राज्ञी राज्यलक्ष्मी शाह र अभिनेता धिरज मगरको क्रेज थप प्रमाणित भएको दाबी गरिन् । शनिबार दिउँसो कलाकार सहितको निर्माण टिम राजधानीका हल-हलमा पुग्दा दर्शकबाट घेरिए । बडीगार्ड सहित हलमा पुगेका साम्राज्ञी र धिरजलाई दर्शक तथा फ्यानबाट जोगाउन नै हम्मेहम्मे परेको थियो ।
फिल्मले दुई दिनमा नै १ करोड माथीको ग्रस बिजनेस सजिलै पार गर्ने संकेत देखिएको छ । शनिबारका अधिकांश रात्रीकालिन ‘शोज’हरुमा पनि दर्शकले अग्रिम टिकट खरिद गरिसकेका छन् ।
भिडियोमा हेर्नुहोस साम्राज्ञी र धिरज क्रेजः
