इन्टु मिन्टुको रोमान्टिक गीतः धिरजसँग बोल्ड साम्राज्ञी ! (भिडियो)
फिल्म ‘इन्टु मिन्टु लण्डनमा’ यो शुक्रबारबाट प्रदर्शनको लागी तयार छ । निर्माण टिम यतिबेला अन्तिम प्रचार प्रसारमा व्यस्त छ । यो बीचमा बुधबार फिल्ममा समावेश अन्तिम गीत रिलिज गरिएको छ ।
‘आइएम इन्टु, सी इज मिन्टु’ बोलको रोमान्टि गीतमा मुख्य कलाकार साम्राज्ञी राज्यलक्ष्मी शाह र धिरज मगर फिचर छन् । क्लासिक नृत्य जोडिएको सार्वजनिक गीतको भिडियोमा साम्राज्ञी बोल्ड लुक्समा प्रस्तुत छन् ।
सुजिल कर्माचार्यको शब्द संगीतमा तयार गीतमा स्वर पनि सुजिलको नै छ । कोरियोग्राफी बिक्रम लामा र एञ्जिला खत्रीले गरेका छन् । केहि पृथ्क कन्सेप्टको प्रयास कोरियोग्राफीमा गरिएको छ ।
रेनशा वान्तवा राईको निर्देशनमा बनेको फिल्मलाई आइकोर फिल्मस् ले निर्माण गरेको हो । साम्राज्ञी र धिरजसँगै सारुक ताम्राकार, विजय लामा, दिलभुषण पाणक, रुवी राणा, विवेक लिम्बु लगायत यो फिल्ममा लिड अभिनयमा छन् ।
