‘भिमफेदी गाइज’सँग आँचलको रेलिमाइ !
अभिनेत्री आँचल शर्मा पछिल्लो पटक फिल्मी पर्दामा कम देखिन्छिन् तर सानोपर्दामा भने उनको उपस्थितीलाई सायदै अन्य अभिनेत्रीले भेट्न सक्छन् । पछिल्लो क्रममा म्युजिक भिडियोमा सर्वाधिक बिकाउ फेस मध्येकी आँचल पनि एक हुन् । उनै आँचल स्टारर पछिल्लो भिडियो ‘रेलिमाइ’ हालै युट्युव रिलिज भएको छ ।
भारतको चर्चित रियालिटी शो डिआइडीबाट चर्चा कमाएका नेपाली सुजन मार्फा तामाङ्क (एलिड २० क्रिउ) र भिमफेदी गाईजको साथमा आँचल उक्त भिडियोमा फिचर छिन् । पहिलोपटक यो दुई डान्स ग्रुप एउटै म्युजिक भिडियोमा देखिएको हो ।
दिपक आचार्यको शब्दमा तयार गीतमा मिस्टर आर.जे. ले संगीत भरेका छन् ।पछिल्लो क्रममा हिट पछि हिट गीत पस्किँदै आएका मिस्टर आरजेको यो गीत पनि त्यसैको एक निरन्तरता भनिएको छ । गीतमा स्वर पनि उनकै छ भने आरजेलाई महेश भडारीले पनि साथ दिएका छन् ।
एसद्विप मुभिजले बजारमा ल्याएको गीतको भिडियोमा रविन्द्र बरालको छायाँकन छ भने निशान घिमिरेको सम्पादन छ । दिपक आचार्यले भिडियोलाई निर्देशन गरेका हुन् ।
