यस्तो बन्यो ‘डोली’ को ‘झ्यानाकुटी झ्याइँ’ (भिडियो)

किरण नेपालीको निर्माणमा तयार फिल्म ‘डोली’को पहिलो गीत सार्वजानिक भएको छ । लोक फ्लेभर बोल्ने ‘झ्यानाकुटी झ्याइँ’ बोलको गीत बुधबार युट्युव रिलिज गरियो ।

सार्वजनिक गीतमा मेलिना राई र विजय अधिकारीको स्वर छ भने हरी उप्रेतीको शब्दमा संगीत गायक विजयले नै भरेका छन् । गीतमा मुख्य कलाकारहरु पृथ्वीराज प्रसाई,प्रिया रिजाल र संगिता नापित लगायत फिचर छन् ।

निर्माण टिमले छायांकन सकिएको छोटो समयमा नै दर्शकमाझ पहिलो गित बजारमा आएको हो । मंसिर २८ गतेलाई रिलिज मिति तोकिएको ‘डोली’लाई राजबहादुर सानेले निर्देशन गरेका छन् । फिल्मले सामाजिक विषयवस्तुलाई उठान गरेको बताइएको छ ।