‘छक्का पञ्जा ३’ अफिसियल पोस्टर आउट, रिलिज मिति कहिले ?

बर्ष २०७५ को सर्वाधिक प्रतिक्षित मध्येको एक फिल्म ‘छक्का पञ्जा ३’ को पहिलो अफिसियल पोस्टर रिलिज भएको छ । निर्देशक दीपाश्री निरौलाले सामाजिक सञ्जालमा फिल्मको पहिलो अफिसियल पोस्टर सार्वजनिक गरिन् ।

पोस्टरमा मुख्य पाँच कलाकारलाई फिचर गरिएको छ । दिपकराज गिरी, दीपिका प्रसाइँ, केदार घिमिरे, जितु नेपाल र बुद्धी तामाङ आप्नो आफ्नो क्यारेक्टरमा फिचर छन् । पोस्टरमा अझै पनि फिल्मको प्रदर्शन मिति तोकिएको छैन ।

आमा सरस्वती मुभिज र आईएमईएको संयुक्त प्रस्तुति रहेको फिल्म दशैँमा रिलिज हुनेछ । दशेँको नाम मात्र तोक्दा निर्माण टिमले हालसम्म पनि फिल्म कहिले र किन दिनमा आउँछ ? अफिसियल रुपमा खुलाउन सकेको छैन । फिल्ममा प्रियंका कार्की पनि लिड अभिनयमा छिन् ।