बोल्ड प्रियंकाको ‘कथा काठमाडौं’लाई सेन्सरबाट क्लिन चिट !

सार्वजनिक ट्रेलर तथा गीतहरुमा समावेश केहि बोल्ड दृश्यहरुका कारण विवाद र चर्चा दुबैमा परेको फिल्म ‘कथा काठमाडौं’ले सेन्सर बोर्डबाट क्लिन चिट पाएको छ । मंगलबार फिल्मको सेन्सर भएसँगै चलचित्र जाँचपास बोर्डले फिल्मलाई प्रदर्शनको लागी बाटो फुकुवा गर्यो ।

फिल्मले सेन्सरबाट ‘पिजी’ सर्टिफिकेट पाएको छ । यो फिल्म हेर्नको लागी बालबालिकाले अब अभिभावकको सहारा लिनुपर्नेछ । त्यसो त केहि दिन पहिले चलचित्र विकास वोर्डले अश्लिल दृश्य जोडेको भन्दै फिल्मको ट्रेलर युट्युबबाटै हटाउन भनेर समेत निर्माण ब्यानरलाई पत्राचार समेत गरेको थियो ।

संगीता श्रेष्ठको निर्देशनमा बनेको फिल्ममा प्रियंका कार्की, आयुष्मान देशराज जोशी, प्रमोद अग्रहरी, सन्ध्या केसी, सञ्जोग कोईराला लिड अभिनयमा छन् । बिजय राईले फिल्मलाई निर्माण गरेका हुन् ।