‘चङ्गा चेट’को ढल्की ढल्कीः कसको कम्मर को सँग मर्कियो ? (भिडियो)
फिल्म ‘चङ्गा चेट’को नयाँ गीत रिलिज भएको छ । कार्तिक १६ मा प्रदर्शनमा आउने यो फिल्मको सोमबार डान्सिङ नम्बर रिलिज गरियो । सार्वजनिक ‘ढल्की ढल्की’ बोलको गीतमा लिड कलाकार प्रियंका कार्की, आयुष्मान देशराज जोशी, रविन्द्र झा, सुरक्षा पन्त, सन्दिप क्षेत्री र परमिता आर एल रानाले कम्मर मर्काएका छन् ।
गीतका शब्द झट्ट मनमा बस्ने प्रकारका छन् । जुन शब्दलाई मिस्टर आरजेले लेखेका हुन् । संगीत पनि आरजेको नै छ । अल्मोडा राना उप्रेतीले स्वर भरेको गीतमा कोरियोग्राफी प्रविण सिंहको छ । आधुनिक र्याप फ्लेभरमा गीत तयार पारिएको छ ।
दिपेन्द्र के खनालको निर्देशनमा बनेको फिल्मको यसअघि सार्वजनिक गोजीमा दाम छैन बोलको गीतले लोकप्रियता बढाउँदो छ । ‘चङ्गा चेट’लाई माधव वाग्ले र शर्मिला पाण्डेले निर्माण गरेका हुन् । ‘लभ लभ लभ’ पछि पाण्डेको यो दोस्रो फिल्म हो । दिर्घ खड्काले सम्पादन गरेको फिल्मलाई निरज कंडेलले खिचेका छन् ।
