‘बाँध मायाले’ २ पोस्टर रिलिज, प्रेमिल मूडमा सृष्टि र आर्यन
आर्यन अधिकारी र सृष्टि श्रेष्ठ स्टारर फिल्म ‘बाँध मायाले’ को नयाँ पोस्टर सार्वजनिक भएको छ । सार्वजनिक दुई पोस्टरमा आर्यन र सृष्टि रोमान्टिक रुपमा प्रस्तुत भएका छन् ।दुई लिड कलाकारलाई प्रेमिल मूडमा प्रस्तुत गरिएको छ ।
‘बाँध मायाले’ को पोस्टर टौवा क्रियशनका लागि शान थापाले डिजाइन गरेका हुन् । सार्वजनिक पोस्टरबाट ‘बाँध मायाले’ पूर्ण रुपमा लभ स्टोरी फिल्म हो भन्ने प्रष्टिन्छ । सविर श्रेष्ठ निर्देशित फिल्ममा आर्यन र सृष्टिसँगै किशोर खड्का, राजाराम पौडेल लगायतको अभिनय रहेको छ ।
प्रदर्शन मिति नजिकिएसँगै ‘बाँध मायाले’ले यतिबेला आफ्नो प्रचारलाई तिव्रता दिईरहेको छ । यतिबेला फिल्म युनिट कलेज क्याम्पियनदेखि मिडिया अन्तरक्रियामा व्यस्त छ । फिल्म असोज ५ गतेदेखि अल नेपाल रिलिज हुँदैछ ।
रामहरी धिताल र विभिषिका श्रेष्ठ निर्माता रहेको फिल्ममा केदार धिताल कार्यकारी निर्माताको रुपमा रहेका छन् । महेन्द्र अधिकारी फिल्मका सह निर्माता हुन् । अर्जुन पोखरेलको संगीत रहेको फिल्ममा बाबु श्रेष्ठको छायाँकन छ ।
